‘ಕಾಡುನಾಡು’ ಎಂಬುದು ಕನ್ನಡದ ವನ್ಯಜೀವಿ ಸಂಬಂಧಿತ ತ್ರೈಮಾಸಿಕ ಅಂತರಜಾಲ ಪತ್ರಿಕೆಯಾಗಿದೆ. ವನ್ಯಜೀವಿಗಳನ್ನು ಪ್ರೀತಿಸುವವರಿಗೆ, ಪ್ರಾಣಿಗಳ ಬಗ್ಗೆ ತಿಳಿದುಕೊಳ್ಳುವ ಆಸಕ್ತಿ ಇರುವವರಿಗೆ, ಮಕ್ಕಳಿಗೆ, ವಿದ್ಯಾರ್ಥಿಗಳಿಗೆ, ದೇಶ ವಿದೇಶಗಳಲ್ಲಿರುವ ಎಲ್ಲಾ ಕನ್ನಡಿಗರಿಗೆ ಉಪಯುಕ್ತವಾಗಲೆಂದು ‘ಕಾಡುನಾಡು’ ಕನ್ನಡ ವನ್ಯ ಜೀವಿ ಪತ್ರಿಕೆ ಉಚಿತವಾಗಿ ಅಂತರಜಾಲದಲ್ಲಿ ಲಭ್ಯವಾಗಲಿದೆ.
ಈ ಪತ್ರಿಕೆಯ ಮೂಲಕ ನಾವು ಜನರಲ್ಲಿ ಕಾಡಿನ ಬಗ್ಗೆ, ಕಾಡಿನ ಜೀವರಾಶಿಗಳ ಬಗ್ಗೆಯಷ್ಟೇ ಅಲ್ಲದೇ ನಾಡಿನಲ್ಲಿರುವ ಪ್ರಾಣಿಪಕ್ಷಿಗಳ ಬಗ್ಗೆಯೂ ಅರಿವು ಮೂಡಿಸುವ ಪ್ರಯತ್ನ ಮಾಡುತ್ತಿದ್ದೇವೆ. ಅರಣ್ಯಸಂಪತ್ತಿನ ಉಳಿವಿಗಾಗಿ ಹಾಗೂ ಅದರ ಕ್ಷೇಮಕ್ಕಾಗಿ ದುಡಿಯುವವರ ಬಗ್ಗೆಯೂ ಈ ಪತ್ರಿಕೆ ವಿಶೇಷ ಮಾಹಿತಿ ನೀಡಲಿದೆ.
ಈ ನಮ್ಮ ಪ್ರಯತ್ನಕ್ಕೆ ಕನ್ನಡಿಗರೆಲ್ಲರ ಆಶೀರ್ವಾದವನ್ನು ಬಯಸುತ್ತಿದ್ದೇವೆ.